ආණ්ඩුවට සහාය දක්වන නැගෙනහිර මහ ඇමති සිවනේෂතුරෙයි චන්ද්‍රකාන්තන් (පිල්ලෙයාන්) ආණ්ඩුවෙන් ඉවත් වී රජයට අභියෝග කිරීමට සූදානම් වන බවට තොරතුරු වාර්තා වේ. මේ සඳහා ආසියාවේ ප‍්‍රබල රටක ඔත්තු සේවාවක් එම දේශපාලන පක්‍ෂයට අවශ්‍ය සහයෝගය ලබා දෙමින් සිටින බවද සඳහන්ය.
මේ අතර නැගෙනහිර පළාත ප‍්‍රමුඛව රට තුල මතුවී තිබෙන ග‍්‍රීස් යක්කු සහ භූතයන් ඉදිරියේදී තමන්ගේ නැගිටීමත් සමඟ අවසන් වන බවට සඳහන් කරමින් ‘දෙමළ ඊළාම් කොටි සංවිධානය’ යනුවෙන් මුද්‍රණය කල පෝස්ටර් තොගයක් මඩකලපුව සහ අම්පාර ප‍්‍රදේශවලින් හමු වී ඇතැයිද තොරතුරු ලැබේ.
පසුගිය සතියේ රැස්වූ නැගෙනහිර පළාත් සභාවේදීද පළාත් මහ ඇමතිවරයා ප‍්‍රකාශක් කරමින් සඳහන් කර ඇත්තේ දැනට නැගෙනහිර පළාතේ සිදු කරන ග‍්‍රීස් යකා පිළිබඳ මැවීමට යුධ හමුදාවේ සහ නාවික හමුදාවේ සෘජු දායකත්වයක් ඇති බවත් රජය ඊට වග කිව යුතු බවත්ය.
‘‘නැගෙනහිර පළාතේ ක‍්‍රියාත්මක භූතයන් සහ ග‍්‍රීස් මිනිසුන් හරහා භීතිය ඇති කරලා තියෙන්නේ රජයෙන්. රජය මේක ඇති කරන්න රහසක් තියෙනවා. ආණ්ඩුව හදිසි නීතිය ඉවත් කිරීමේ යෝජනාවක් ගේන්න යනවා. පස්සේ හදිසි නීතිය තවදුරටත් තියාගන්න කරන වැඩක් මේක’’ යනුවෙන්ද ඔහු එහිදී පවසා තිබේ.
lankacnews
Logging you in...
